Nankorî!...
Vanê verînan peyînan rê çiyêk nêverdayo. Yanî çi vateyo ke gereka bêro vatiş, ma ra ver, verînan vato. Verê cû wexto ke ez raştê yew vate yan tesbîtî ameyne, zafê reyan mi xwu rê vatêne belkî verînan hema xwu rê pê ardo, beno ke raşt nêbo. Labelê badê ke emir viyart û bineyke tecrubeyî virazîyayî, ez bala xwu dana, vate û tesbîtê verînan bêqisûr raşt ê. Mesela, Goetheyî vato “ Nankorî karê merdimanê zeîfan o. Miyanê însananê wayirê qudretî de esla ez raştê nankoran nêameya. ” Ez eynen tesdîq kena. Merdimê wayirê erk û hêzî û qabilîyetî, yanî merdimê wayirê qudretî nankorî nêkenê. Nankorî karê merdimanê zeîfan o. Johann Wolfgang von Goethe (1749-1832)