Kayıtlar

Duaya Dawud Pêxemberî

Resim
Dawud pêxember, Îsa pêxeberî ra teqrîben hezar serrî verê cû cûyayo. Miyanê qewmê Îsraîlî de Îbrahîm, Îshaq û Yaqûb pêxemberî ra dima sey pêxembero muhîm o çarin Dawud yeno. Îsa pêxember neslê Dawud pêxemberî ra yeno. Quran de hewtîyes rey nameyê Dawudî sey pêxember vîyareno. Homa Quran de di rey vano “ … Û ma Zebûr zî da Dawudî. ” ( 4: 163; 17: 55 ) Yew ayete de zî vano “ Sond bo ke Zikrî dima ma Zebûr de zî nuşt ke ‘Evdê min ê salihî miheqeq erdî rê benê waris.’ ” ( 21: 105 ) Zebûr de panc qismî û 150 mezmûrî estê. Nameyê Zebûrî manaya çiyê ke nusîyayê de kokê “zbr ( زبر )” ra yeno. Mezmûr zî manaya vatişê deyîre/kilame/lawike/îlahî de kokê “zmr ( زمر )” ra yeno. Zebûr kitabê mezmûr/îlahîyan o, zafê înan fekê Dawud pêxemberî ra yenê vatiş. Mesela, Dawud pêxember mezmûra 35ine de ehwalê xwu raşteraşt Rebê xwu rê erz keno û vera neyaranê xwu de ardim wazeno. Wexto ke merdim waneno her yew mûya canê merdimî bena sey goçînî. Merdim xwu rê vano, eger bi yew pêxemberî hende xirabîye b

Fîhrîstê 20 Hûmaranê Şewçila

Resim
FÎHRÎSTÊ 20 HÛMARANÊ ŞEWÇILA     Hûmara yewine ya kovara Şewçila adar 2011 de weşanîya, hûmara vîstine zî hamnan 2023 de weşanîya. Pêro hûmarê kovara Şewçila safî bi Kirdî yanî bi Kurdîya Zazakî weşanîyayê. Amancê kovara Şewçila viraştiş û geşkerdişê edebîyato modern yê Kirdî yo, ancî vejîyayişê meydanî yê edîbanê neweyan û wendoxê ke edebîyat ra hes kenê. Pêro hûmarê kovara Şewçila hetê Roşan Lezgînî ra Diyarbekir de amade biyê û weşanîyayê. Labelê tayê hûmaran de; mîzanpajkerdişê rîpelan û amadekerdişê qapaxî de, ancî mesrefê metbea yê tayê hûmaran de û vilakerdişê kovare de ardimê tayê kesan biyo. Vîst hûmaranê Şewçila de pêro piya eser yan zî nuşteyê 140 kesî weşanîyayê. Nînan ra 19 cînî, 91 camêrd 110 kesan bi xwu raşteraşt kovare rê nuşto. Nînan ra qismêko muhîm reya verîne bi kovara Şewçila dest bi nuştiş kerdo. Eser yan zî nuşteyê 4ê înan cînî 26ê înan camêrd yê 30 kesan zî yan sey tercume kovare de weşanîyayê yan zî tayê çimeyan ra ameyê girewtiş û kovare de weşa