Roşan Lezgin

" Eğer bu sene çıkar isem yaza Toplayım bir parça Gürcü Abaza Elime geçerse on kadar Zaza Yolar sakalını kavlak satarım " [1] Cahit Öztelli (1910-1978) ena şiîre xebata xwu ya antolojîyê şiîranê bektaşîyan “ Bektaşi Gülleri ” de weşanaya. Kitab reya verîne 1973 de weşanîyayo. Zaf kesî ena şiîre sey çime nîşan danê û vanê şaîrê tirkan Kaygusuz Abdalî tiya ra qasê 600 serrî verê cû nameyê “ Zaza ” şixulnayo. Labelê tu delîlo ke îsbat bikero ena şiîre aîdê Kaygusuz Abdalî ya çinê yo. Tam eksê ci, merdim zaf bi rehetî eşkeno ziwanê ci ra texmîn bikero ke ena şiîre aîdê Kaygusuz Abdalî nîya.  “İslam Ansiklopedisi”yo ke hetê “Türkiye Diyanet Vakfı” ra amade biyo de madeyê “Kaygusuz Abdal"î bi enê malumatî dest pêkeno:  “ KAYGUSUZ ABDAL (m. 848/1444 [?]) Şaîro mutesewif ke sey ronayoxê edebîyatê Alewî-Bektaşî qebûl beno. Nîmeyê seserra 14. de ame dinya. Çimeyan de derheqê heyatê ci de malumat çinê yo. Çiyo ke derheqê ci de yeno zanayiş, menaqîbnameyê ey ke muhtemelen merg

Weşanxaneyê Roşna 2012 de Diyarbekir de ronîya û bi giranî kurdîya zazakî de kitaban weşaneno. Badê ke polîtîkaya girane ya tedakar û zordare ke se serrî ra vêşêr Tirkîya de kurdkî ser o dewam kerdêne bineyke bîye sist, mîyanê sînoranê sîyasî yê Tirkîya de bi lehçeyanê kurdkî kurmanckî û zazakî rojname û kovaran dest pêkerd weşanîyayî. Demeyêk badê pey bitaybetî warê edebîyatî de nuştoxê ke êdî daîmî nusenê vejîyayî meydan. Sey nimûneyî, çarçewaya weşanîyayişê rojnameyê yewin yê zazakî Newepelî de ke adara 2011î de Diyarbekir de dest bi weşana xwu kerd, ancî kovara edebî hunerî Şewçila ya safî bi kurdîya zazakî de gelêk nuştoxê neweyî vejîyayî meydan. Bitaybetî badê ke warê nesrî de dosyayê enê nuştoxan virazîyayî û weşanayişî rê amade bîyî, Weşanxaneyê Roşna sey îhtîyacêk ame ronayiş. Weşanxaneyê Roşna ke îdareyê nuştox Roşan Lezgînî de xebata xwu dewam keno, hetanî nika 69 bi Zazakî, 6 bi Kurmancî û 2 zî Tirkî pêropîya 77 kitabê 45 nuştoxan weşanayê. Qismêk kitabê ke Weşan