Çend vateyê Carl Edward Saganî

Mi çend vatêyê muhîmî yê astrolog Carl Edward Saganî (1934-1996) tirkî ra tadayî kirdkî ser. Enê vateyê winasî eynî sey lamba tarîtîya şewe ma rê kenê roşin, ma rê benê qilawuz. Ma bi dîqet biwanin, dima zî tetbîq bikin. 

* * * 

- Îlim de, şima vînenê ke alimî tim vanê ‘Şima zanê, eno argumanêko baş o; ez vana qey fikrê mi xelet o.’ Û dima zî fikrê xwu bedilnenê, şima êdî înan ra o ewnîyayişo verîn reyna nêeşnawenê. Heqîqeten zî wina kenê. Qaso ke hewce keno hende zaf nêkenê, çimkî ê zî însan ê, û bedilîyayiş zafê reyan zehmet o. Labelê warê îlmî de enê çiyê winasî her roje benê. Ena rey polîtîka û dîn de, nîno mi vîr ke yew çiyo winasî tewr peynî de key biyo. 

- Îlim tenya yew komelê îlmî ra bineyna zêdeyîr o. Yew şeklê fikirîyayişî yo, yew rayirê bi şibhe tehqîqkerdişê kaînatî yo.

- Çiyo ke îlim wazeno eno yo. Wexto ke ma yew otomobîla destê diyinî erênenê yan zî kalîteyê yew îlaco ke ma reklamê televîzyonî de dîyo ceribnenê de şibhe kenê, eynî şibheyî ma babetanê bînan de zî bikin.

- Eger yew meharetê ma yê sey derheqê çiyo ke ma ci ra şibhe kenê, kesê ke ma rê rastîya tayê çiyan îdîa kenê yan zî wayiranê otorîte ra bipersin çinê bo, o wext, sîyasetkar yan dîndaro şarlatano tewr verîn ke raştê ma yeno, eşkeno ma bixapêno.

Carl Edward Sagan (1934-1996)