Dêsan de Sûretê Ma Nimite
“Dêsan de Sûretê Ma Nimite” kitabê min ê şiîran o. Kitabê minê edebî o diyin o. Enê kitabê mi de vîst û çar hebî şiîrî estê: Hubr, Remayoxê Ziwanê Xo, Ruho Vindîbîyaye, Dêsan de Sûretê Ma Nimite, Destanê Xo Bişawe, Lete, Wisarî Meheredne, Zerrîya Mi de Mendê Rêçê Awiranê To, Tutek, Hewnê Mi Nîno, Bêre, Ciwîyayene, Dîyarbekir de Eşq, Heridîyayo Şaîrêk Qewmê Xo ra, Şîîrî Şahid ê, Mevacên, Awa Kewserî ya Areqê To, Tenyayî, Kela Dîyarbekirî, Şîîrî, Arêwan, Soz, Pird, Felsefe
“Dêsan de Sûretê Ma Nimite” reya verîne Weşanxaneyê Vateyî Îstanbul de serra 2005î de çap kerd. Reya diyine zî Weşanxaneyê Roşna Diyarbekir de serra 2013 de çap kerd.
Şiîrê ke enê kitabî de ca gênê, zafê xwu mi serranê 1990an de înşatan de pelê kaxidî ser o nuştî. Mesela, zaf baş yeno mi vîr, şîîra “Wisarî Meheredne” mi gulanê serra 2000î de Melezgir de, wexto ke ma teberê bînaya mektebêk sîwax kerdêne, mi serê îskele de kaxidê çîmentoyî ser o nuşte.
Hevalê ke ma piya înşatan de xebitîyayêne, eke şan dîya, zafê înan şîyêne qehwexaneyan de okey kaykerdêne. La mi înşatan de kitabê derheqê estetîkê şiîran de wendêne. Mi meqale û şiîrê Cemal Sureyyayî wendêne. Mi şiîrê Cîgerxînî, şiîrê Ahmed Arifî, şiîrê Nazim Hîkmetî, şiîrê Can Yücelî, şiîrê Murathan Munganî, şiîrê Hîcrî İzgörenî, şiîrê Louis Aragonî, şiîrê Pablo Nerudayî, şiîrê Ahmet Telli û hema şiîrê zaf şairanê bînan ke nika nameyê înan nîno mi vîr wendêne. Înşatan de tim panc-şeş kitabî binê balişnaya mi de bî. Şan de, badê ke ma şamîya xwu werdêne, mi yew kitab girewtêne xwu dest, heta ke çimê mi şîyêne hewn a, mi wendêne.
WISARÎ MEHERDNE
Çimhengura mi
werrekna to bizanayêne
mi çiqas bêrîya to kerda
boya rêça lewanê to porê mi de
û bêrîya to yew kalme
zerrîya mi de çikîyaye
Ti zana vilika mi?
Nika tîya, to ra dûrî
vartîyêka hurdî varena
boya hîbîyayîşê sereşutîya to
xo reyde ana û resnena lewanê mi
û ez
çilkanê hesran nesilnena zerrîya xo...
Lewhengemîna mi
nêbo ha!
Çi rey
ti varitî nêvarnê çimanê xoyê hewrinan ra
û ti
wisarî nêherednê rîyê xo ra
Do pêro vilikî bialisîyê...
“Dêsan de Sûretê Ma Nimite” reya verîne Weşanxaneyê Vateyî Îstanbul de serra 2005î de çap kerd. Reya diyine zî Weşanxaneyê Roşna Diyarbekir de serra 2013 de çap kerd.
Şiîrê ke enê kitabî de ca gênê, zafê xwu mi serranê 1990an de înşatan de pelê kaxidî ser o nuştî. Mesela, zaf baş yeno mi vîr, şîîra “Wisarî Meheredne” mi gulanê serra 2000î de Melezgir de, wexto ke ma teberê bînaya mektebêk sîwax kerdêne, mi serê îskele de kaxidê çîmentoyî ser o nuşte.
Hevalê ke ma piya înşatan de xebitîyayêne, eke şan dîya, zafê înan şîyêne qehwexaneyan de okey kaykerdêne. La mi înşatan de kitabê derheqê estetîkê şiîran de wendêne. Mi meqale û şiîrê Cemal Sureyyayî wendêne. Mi şiîrê Cîgerxînî, şiîrê Ahmed Arifî, şiîrê Nazim Hîkmetî, şiîrê Can Yücelî, şiîrê Murathan Munganî, şiîrê Hîcrî İzgörenî, şiîrê Louis Aragonî, şiîrê Pablo Nerudayî, şiîrê Ahmet Telli û hema şiîrê zaf şairanê bînan ke nika nameyê înan nîno mi vîr wendêne. Înşatan de tim panc-şeş kitabî binê balişnaya mi de bî. Şan de, badê ke ma şamîya xwu werdêne, mi yew kitab girewtêne xwu dest, heta ke çimê mi şîyêne hewn a, mi wendêne.
WISARÎ MEHERDNE
Çimhengura mi
werrekna to bizanayêne
mi çiqas bêrîya to kerda
boya rêça lewanê to porê mi de
û bêrîya to yew kalme
zerrîya mi de çikîyaye
Ti zana vilika mi?
Nika tîya, to ra dûrî
vartîyêka hurdî varena
boya hîbîyayîşê sereşutîya to
xo reyde ana û resnena lewanê mi
û ez
çilkanê hesran nesilnena zerrîya xo...
Lewhengemîna mi
nêbo ha!
Çi rey
ti varitî nêvarnê çimanê xoyê hewrinan ra
û ti
wisarî nêherednê rîyê xo ra
Do pêro vilikî bialisîyê...
 |
| Roşan Lezgîn, Dêsan de Sûretê Ma Nimite, Çapê diyin, Weşanxaneyê Roşna, Diyarbekir, 2013 |
Yorumlar
Yorum Gönder