Kayê Tîyatroyî: Mêrdeyê Şewe

Eno kitab yew kayê tîyatroyî yo, kurmancî û kirdkîya kayî têdir tede ca gênê. Kaykerdoxanê tîyatroyî Berfîn Zenderlîoglu û Mîrza Metînî bi kurmancî nuşto. Roşan Lezgînî zî açarnayo kirdkî ser.

Eno kay rexnekerdişê zîhnîyetê mêrdeyîye ser o ceribnayîşêk o. Eno awir xwu bi trawmaya cematkî ya cinîyan nawneno. Kêmaneya mêrdeyan seba cinîyan bena tecrîdêko derûnî (psîkolojîkî), zîhnî û fîzîkî ke gwunîya înan misnena. Dewlete û cemato ke tim awiranê xwu merdimî ser o çarnenê, goşdarî û destdergîye kenê, bîyê mekanîzmayêka zordestî û tersnayişî û cinî eştê serê sergoyî, uca sey “Mêrdeyê Şewe” ameyo nîşan dayene.

Kay, bi elementanê derûnî û îronîkan hetê camêrdan ra dorpêçkerdişê cinîyan nawneno ke merdiman reyêna ena mesela ser o hîşyar bikero.

Mesajê kayî eno yo: “Cuye kayêk nîya, wina sey kayêk mewnîyêne cuye ra û mevîyarêne. Mebêne temaşekarê cuye.”

Eno kay, reya verîne roja 03 nîsan 2009 de Îstanbul de hetê DestAR-Theatre ra ame kaykerdiş. Beşdarê hîrê festîvalan bi. Pêro pîya 52 rey ame nîşandayiş. Cêrnuşteyê tirkî ame karardiş. Reya verîne bi hawayêko resmî Tîyatroyê Dewlete yê Wanî de ame kaykerdiş.

Diyarbekir de Merkezê Kulturî yê Cîgerxwînî de ame kaykerdiş.

Berfîn Zenderlioglu & Mîrza Metîn, Mêrdeyê Şewe, Kurmanckî ra Çarnayîş: Roşan Lezgîn, Weşanên Avesta, Îstanbul, 2011, 52 + 52 = 104 rîpelî