Hal û hewalê ma kurdan!
Verê cû Diyarbekir de nêweşîya tîfoyî zaf estbî. Zaf însanê ma ena nêweşî ra telef bî. Payizê 1991 de ez zî bi ena nêweşî kewta, ez şîya halê mergî la Homayî temam nêkerd.
Dima ez tedawî biya û hêdî-hêdî ameya xwu. Labelê ena nêweşîya bêîmane bitaybetî mewsimê wesarî û payizî çend serrê bînî zî mi de nuks kerd, ez perîşan kerda. La şikir Homayî rê, badê pey ez ci ra felitîyaya.
Tam wexto ke ez winî nêweşî ra bêhal kewtbîya, vatêne Amerîka do bido Îraqî ro. Sedam zî, seke Helebce de kerdbi, do kîmyasal bierzo Diyabekir.
Badê şerrê Îran-Îraqî (1980-1988), Îraqî 1990 de dabi Kuweyt ro û qismen dagîr kerdbi. Enê ser o Amerîka 36 dewletê bînî zî antbî xwu het û amadekarî kerdêne ke vera Îraqî de şer îlan bikero. Axir roja 17 çele 1991 de Amerîka da Îraqî ro û Şerê Kendawî dest pêkerd.
Verî ke Amerîka bido Îraqî ro, hema vajê ke nîmeyê Diyarbekirî bi veng. Şarî vatêne do Sedam kîmyasal bierzo Diyarbekir, coka zafê kesan keyeyê xwu waro verdabi şîbî dewan. Êyê ke mendbî zî, naylon yan zî cacimî antbî pencerayanê xwu û bi kolîband mehkem band kerdbi. Enê ser o nameyê kolîbandî bibi "bandê Sedamî". Hema zî ez vînena zaf cayan de kolîband ra vanê "Saddam bandı".
Diyarbekir de keyeyê ke winî bêwayir mendbî seba dizdan bibî xenîmet! O wext hende keyeyî ameyî şelênayiş ke qet mevajên. Dizdan roj orteyê roje de kamyone antêne keyeyî ver, seke keyeyê xwu bihewelnê, heme eşyayê keyeyî bar kerdêne berdêne.
Tam ê wextan, di xortan yew mesela ser o dabi pêro, yewî kardî daybî êyê bînî ro. Mi her di hetî zî şinasnayêne. Coka ez zî bi ê halê xwu yê nêweşî kewta mîyanê înan ke mesela derg nêbo, xwu rê werê bêrê. Çend kesê bînî zî sey mi winî bîyî mabeynkar. Axir ma her di hetî îqna kerdî, ma ê werê ardî.
Merasimê werêameyişî de ma da-vîst camêrdî keyeyê xortê ke kardî ginaya piro de ameyî pêser. Axir ma mesele hel kerd û bi keyfweşî şîranî wenê, şerbetê xwu şimenê, dima çay û cixara, teraqe bîye weş…
O wext rojevê Tirkîya derheqê Şerê Kendawî de bi. Radyo, televîzyon û rojnameyan de ser û binê xeberan Îraq û Amerîka bî. Esas hîna zaf behsê Sedam Huseynî û George W Bushî biyêne. Helbet Diyarbekir de zî munaqeşeyo sereke Sedam û Bush bî. Keyeyan de, qehwexaneyan de, dikanan de, mîyanê esnafan de, mînîbus û otobusan de qîjan ra bigêrê bi pîlan, cinîyan ra bigêrê bi camêrdan, her kesî derheqê Îraqî û Amerîka de qisey kerdêne.
Qismêkê miletê ma bibî terefdarê Sedamî qismêk zî bibî terefdarê Bushî û mîyanê înan de munaqeşeyê zaf sertî vejîyayêne.
Argumanê terefdaranê Sedamî tena eno bi ke Sedam misliman o, Bush zî gawir o. Kesê mislimanî zî gereka terefdarê mislimanan bê. Nînan gore kam terefdarê Amerîka bo, yanî terefdarê Bushî (înan vatêne Corc Puşt) bo, dîn ra vejyeno û beno ehlê kufrî, beno terefdarê gawiran.
Terefdaranê Amerîka ke waştêne Bush bido Sedamî ro, vatêne, Sedam neyarê kurdan o, ey kîmyasal eşto Helebce, ey kurdî qetil kerdê, wa Bush pirodo heyfê kurdan ci ra bigêrîyo.
Keyeyo ke ma hende merdimî seba karêkê bimbarekî, seba werêardişê di hetan tede ameybî pêser de, badê merasimê werêameyişî, suhbetê ma zî tadîya munaqeşeyê derheqê şerê mabeynê Amerîka û Îraqî de.
Eynî seke teber de beno, oda de zî qismêk terefdarê Sedamî, qismêk terefdarê Bushî bî. La tayê zî bêteref bî, fikrê înan çin bi.
Mabeynê her di hetan de munaqeşe tadîya xirecirî ser û her ke şi tansîyon bi berz. Oda de hema vajê ke tewr ciwan ez a. Ez fedî kena ke mudaxeleyê înan bikerî, vateyê înan bibirnî. La esas, ez nêweş a, qet halê mi çinê yo ke ez qisey bikerî.
Demeyêk tansîyon hende bi berz, mi hew dî yewî va "Ez çimê Bushî biwerî, wa pirodo, wa di dadîya Sedamî n…!"
Wulay êyê bînî zî xwu ci rê nêna ro, qîra ser, va "Ez û Sedam piya ma bikin di dadîya to û Bushî ra!"
Û terp û rep da yewbînan ro. Qutîyê cixara û çeqmaqî hewa ra perayî. Kulpî û repî, hewar û qîrî kewte oda ser.
Ez bi ê halê xwu yê nêweşê perîşanî miyanê lingan de menda, ez perîşantir biya…
Dima ez tedawî biya û hêdî-hêdî ameya xwu. Labelê ena nêweşîya bêîmane bitaybetî mewsimê wesarî û payizî çend serrê bînî zî mi de nuks kerd, ez perîşan kerda. La şikir Homayî rê, badê pey ez ci ra felitîyaya.
Tam wexto ke ez winî nêweşî ra bêhal kewtbîya, vatêne Amerîka do bido Îraqî ro. Sedam zî, seke Helebce de kerdbi, do kîmyasal bierzo Diyabekir.
Badê şerrê Îran-Îraqî (1980-1988), Îraqî 1990 de dabi Kuweyt ro û qismen dagîr kerdbi. Enê ser o Amerîka 36 dewletê bînî zî antbî xwu het û amadekarî kerdêne ke vera Îraqî de şer îlan bikero. Axir roja 17 çele 1991 de Amerîka da Îraqî ro û Şerê Kendawî dest pêkerd.
Verî ke Amerîka bido Îraqî ro, hema vajê ke nîmeyê Diyarbekirî bi veng. Şarî vatêne do Sedam kîmyasal bierzo Diyarbekir, coka zafê kesan keyeyê xwu waro verdabi şîbî dewan. Êyê ke mendbî zî, naylon yan zî cacimî antbî pencerayanê xwu û bi kolîband mehkem band kerdbi. Enê ser o nameyê kolîbandî bibi "bandê Sedamî". Hema zî ez vînena zaf cayan de kolîband ra vanê "Saddam bandı".
Diyarbekir de keyeyê ke winî bêwayir mendbî seba dizdan bibî xenîmet! O wext hende keyeyî ameyî şelênayiş ke qet mevajên. Dizdan roj orteyê roje de kamyone antêne keyeyî ver, seke keyeyê xwu bihewelnê, heme eşyayê keyeyî bar kerdêne berdêne.
Tam ê wextan, di xortan yew mesela ser o dabi pêro, yewî kardî daybî êyê bînî ro. Mi her di hetî zî şinasnayêne. Coka ez zî bi ê halê xwu yê nêweşî kewta mîyanê înan ke mesela derg nêbo, xwu rê werê bêrê. Çend kesê bînî zî sey mi winî bîyî mabeynkar. Axir ma her di hetî îqna kerdî, ma ê werê ardî.
Merasimê werêameyişî de ma da-vîst camêrdî keyeyê xortê ke kardî ginaya piro de ameyî pêser. Axir ma mesele hel kerd û bi keyfweşî şîranî wenê, şerbetê xwu şimenê, dima çay û cixara, teraqe bîye weş…
O wext rojevê Tirkîya derheqê Şerê Kendawî de bi. Radyo, televîzyon û rojnameyan de ser û binê xeberan Îraq û Amerîka bî. Esas hîna zaf behsê Sedam Huseynî û George W Bushî biyêne. Helbet Diyarbekir de zî munaqeşeyo sereke Sedam û Bush bî. Keyeyan de, qehwexaneyan de, dikanan de, mîyanê esnafan de, mînîbus û otobusan de qîjan ra bigêrê bi pîlan, cinîyan ra bigêrê bi camêrdan, her kesî derheqê Îraqî û Amerîka de qisey kerdêne.
Qismêkê miletê ma bibî terefdarê Sedamî qismêk zî bibî terefdarê Bushî û mîyanê înan de munaqeşeyê zaf sertî vejîyayêne.
Argumanê terefdaranê Sedamî tena eno bi ke Sedam misliman o, Bush zî gawir o. Kesê mislimanî zî gereka terefdarê mislimanan bê. Nînan gore kam terefdarê Amerîka bo, yanî terefdarê Bushî (înan vatêne Corc Puşt) bo, dîn ra vejyeno û beno ehlê kufrî, beno terefdarê gawiran.
Terefdaranê Amerîka ke waştêne Bush bido Sedamî ro, vatêne, Sedam neyarê kurdan o, ey kîmyasal eşto Helebce, ey kurdî qetil kerdê, wa Bush pirodo heyfê kurdan ci ra bigêrîyo.
Keyeyo ke ma hende merdimî seba karêkê bimbarekî, seba werêardişê di hetan tede ameybî pêser de, badê merasimê werêameyişî, suhbetê ma zî tadîya munaqeşeyê derheqê şerê mabeynê Amerîka û Îraqî de.
Eynî seke teber de beno, oda de zî qismêk terefdarê Sedamî, qismêk terefdarê Bushî bî. La tayê zî bêteref bî, fikrê înan çin bi.
Mabeynê her di hetan de munaqeşe tadîya xirecirî ser û her ke şi tansîyon bi berz. Oda de hema vajê ke tewr ciwan ez a. Ez fedî kena ke mudaxeleyê înan bikerî, vateyê înan bibirnî. La esas, ez nêweş a, qet halê mi çinê yo ke ez qisey bikerî.
Demeyêk tansîyon hende bi berz, mi hew dî yewî va "Ez çimê Bushî biwerî, wa pirodo, wa di dadîya Sedamî n…!"
Wulay êyê bînî zî xwu ci rê nêna ro, qîra ser, va "Ez û Sedam piya ma bikin di dadîya to û Bushî ra!"
Û terp û rep da yewbînan ro. Qutîyê cixara û çeqmaqî hewa ra perayî. Kulpî û repî, hewar û qîrî kewte oda ser.
Ez bi ê halê xwu yê nêweşê perîşanî miyanê lingan de menda, ez perîşantir biya…
Yorumlar
Yorum Gönder