Ciyayîya fikran...

Zafê reyan ez ferq kena, çiyo ke ez vînena û çiyo ke tayê merdimî vînenê, tam eksê yewbînî yê. Ena rewşe yew mesela ana mi vîr. Ez hema dades serre biya, mi fekê kalikê xwu ra şinawitbî. 

Vanê merdimêk di lajanê xwu semedê wendişî şiraweno Îstanbul. Wexto ke tehtîlê hamnanî de yenê keye, babî yewî fer keno, ci ra perseno, vano:

- Lajê mi, Îstanbul de kes nimaj keno?

Laj vano:

- Bawo, şarê Îstanbulî heme nimaj keno, camîyan de ca nêmaneno.

Dima babî şino lajê bînî ra eynî çî perseno. O zî vano:

- Bawo wulay Îstanbul de kes nimaj nêkeno.

Hasilî kelam, hişê kamî çî ser o bo, tenya ê vîneno, ê zano.