Şewşewoke
Silêman pêxamber rojêk teyran rê xebere şiraweno, vano “Wa heme teyrî bêrê. Her yew pûrtê xwu ra yew vîya bido. Belqîsa rê pê doşeg dekerê.”
Miyanê teyran ra verî şewşewoke şina. Pûrtê xwu ra yew vîya ancena uca nana ro. Labelê ewnêna ke tenya a ameya, teyrê bînî nêasenê. Vana “Tim karê dîksilêmanî esto, nêeşkayo bêro, ez herinda ey de zî yew pûrtik bidî.” Û yewna vîya ancena, uca nana ro.
Dima, ewnêna qet hesê teyran çin o, vana “Ez herinda bilbilî de zî yew pûrtik bidî. Sewdalî yo. Belkî qet veng nêşiyo ci.”
Bineyna vindena, ewnêna teyrî nêasenê, vana “Ez herinda kotere de zî yew pûrtik bidî. Zaf narîn a. Wa pûrtê ci kêmî nêbo.”
Welhasil, bi eno qeyde vana ez herinda kevoke de bidî, herinda zerence de bidî, herinda mîrçike de bidî, herinda qulingî de bidî, herinda qertelî de bidî, herinda darnequrî de bidî, herinda başokeyî de bidî, herinda bazî de bidî…
Û hew vînena ke tek yew vîya pûrt pa wa nêmendo, biya uryan menda.
A roje ra pey şerman ra bi roj nêgeyrena, tim bi şewe geyrena ke kes aye viran nêvîno. Coka nameyê aye beno şewşewoke.
Miyanê teyran ra verî şewşewoke şina. Pûrtê xwu ra yew vîya ancena uca nana ro. Labelê ewnêna ke tenya a ameya, teyrê bînî nêasenê. Vana “Tim karê dîksilêmanî esto, nêeşkayo bêro, ez herinda ey de zî yew pûrtik bidî.” Û yewna vîya ancena, uca nana ro.
Dima, ewnêna qet hesê teyran çin o, vana “Ez herinda bilbilî de zî yew pûrtik bidî. Sewdalî yo. Belkî qet veng nêşiyo ci.”
Bineyna vindena, ewnêna teyrî nêasenê, vana “Ez herinda kotere de zî yew pûrtik bidî. Zaf narîn a. Wa pûrtê ci kêmî nêbo.”
Welhasil, bi eno qeyde vana ez herinda kevoke de bidî, herinda zerence de bidî, herinda mîrçike de bidî, herinda qulingî de bidî, herinda qertelî de bidî, herinda darnequrî de bidî, herinda başokeyî de bidî, herinda bazî de bidî…
Û hew vînena ke tek yew vîya pûrt pa wa nêmendo, biya uryan menda.
A roje ra pey şerman ra bi roj nêgeyrena, tim bi şewe geyrena ke kes aye viran nêvîno. Coka nameyê aye beno şewşewoke.
Ma hete versîyonê ci babetnayo.
YanıtlaSilSiftey ci eynî yo dima viryena.
Vanê teyrî pêro qeydî kenê û kenê rêz, vanê herkes rêzde rêzê xo pipawê pûrtîya xo ra bidê, mirîçik vana leyrekê min ê veyşanî rêz berey yeno mi tewrdê qeydana perena şina, hetana peyde yena ke kes nêmendo, lingê ci qeydkerdey manenê, ey ra lingê ci girêdayeyê, pay şiro zî gamî nêşena çekero.
Şewşewik zî tim karê ci esto ci rê eceleyo, vana ez nêşena hende pipawa, verê pêrinppêrin xo pêro rûçiknena dana û şina vana mi rê bereyo, ey ra çeqel(viran) manena, şermîyan ver şew geyrena